Pangjajap

Dulur-dulur nu di lembur baraya nu di kota  sampurasun kumaha daramang?

Alhamdulillah kalayan rahmat Allah anu Agung  urang sadaya parantos dipasihan sehat, berekah, salamet anging pangersa Allah anu maha Kawasa. Hayu urang tepang rasa, tepang basa, sareng kanca mitra sadaya, margi tepang raray mah upama teu maksa mah moal tiasa.

Langkung ti payun seja sanduk-sanduk, mugia agung cukup lumur, jembar hapunten anu kasuhun sim kuring tos wawanian nyieun blog atas nami urang Pamulihan, estuning teu gaduh maksad nanaon, komo deui hayang kasohor mah.

Hatur nuhun ka sadayana, sim kuring ngadamel ieu blog ka inspirasi ku batur ulin, batur sakola, batur gelut nyaeta Pak Ciptoyo, anjeuna ayeuna linggih di Leuwiliang Kabupaten Bogor, tos 30 taun dugi ka ayeuna can papendak. Ari ngobrol dina HP sareng SMS-an tos biasa, mung paamprok jongok patepang raray mah teu acan. Pak Ciptoyo teh putra Bapak Ento (Sukartono) teras ngobrol-ngobrol panuju ngadamel Facebook. Anjeunna ujug-ujug ngadamel Grup Facabook Warga Pamulihan. Tah, Facebook Warga Pamulihan teh ti dinya ku kuring diteruskeun nyieun Webblog. Blog ieu maksadna etang-etang nampung informasi, mangrupi; foto, bobodoran, naon bae carita jaman baheula, atanapi ngenalkeun budaya Pamulihan ka kalangan nu langkung luas, da ari Web mah tiasa diakses di mana bae, sareng ku saha bae di tatar Indonesia atanapi mancanagara.

Mugia ku ayana ieu blog tiasa nyambungkeun  dulur salembur baraya nu di kota nu tebih ti panineungan.

Kanca sadaya hayu urang ramekeun ieu blog ku mangrupi-rupi carita bodor, gambar,  atanapi foto kenangan,  sareng sajabina. Etang-etang koleksi pustaka, dongengkeuneun ka murangkalih.

Alamat situs Pamulihan :

https://pamulihan.wordpress.com

 

Bilih bade ngintunkeun naon bae kanggo nambihan pustaka, ieu alamat e-mailna: urangpamulihan@gmail.com

Baktos Sim Kuring,

Kaje Geer (Karjo Urang Huludayeuh)

  1. WIlujeng tepang wae di mandala maya (dunya internet)….

  2. punten wa

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: